काठमाडौं, २८ पुस । लुइस स्वरेजले क्लबका लागि १००औं गोल गर्दा एथ्लेटिको बिल्बाओलाई पराजित गर्दै बार्सिलोना कोपा डेल रेको क्वार्टरफाइनलमा पुगेको छ ।
बधुबार राति भएको खेलमा बार्सिलोनाले एथ्लेटिको बिल्बाओलाई ३–१ गोल अन्तरले पराजित गरेको हो । यससँगै बार्सिलोनाले समग्रमा ४-३ गोल अन्तरले विजयी भयो ।
घरेलु मैदानमा भएको खेलमा बार्सिलोनाले ३५ औं मिनेटमा स्वरेजले गोल गरे । लिभरपुलका पूर्व स्ट्राइकर स्वरेजले क्लबका लागि १२० खेलमा १०० औं गोल गरे ।
बार्सिलोनाका लागि कम खेलमा १०० गोल गर्ने खेलाडीहरुको उचीमा उनी तेस्रो स्थानमा छन् । उनी भन्दा अगाडि मारियानो मार्टिनले ९९ खेलमा र लाज्लो क्युवालोले १०३ खेलमा १०० गोल गरेका छन् । मेस्सीले भने १८८ खेलमा १०० गोल गरेका थिए ।
४८ औं मिनेटमा नेयमारले पेनाल्टीमा गोल गर्दै घरेलु टोलीको अग्रता दोब्बर पारे । तीन मिनेटपछि एल्थेटिकोले गोल फर्कायो । र, खेल समग्रमा ३-३ को अवस्थामा पुग्यो ।
तर, ७८ औं लिओनल मेस्सीले गोल गर्दै बार्सिलोनालाई ३-१ को जित दिलाए र समग्रमा ४-३ को जितका साथ बार्सिलोना कोपा डेर रे कपको क्वार्टरफाइनलमा पुगेको छ ।
No comments: